महाभूकम्पले लग्यो ७,९१२ को ज्यान

 वैशाख २६ - गत वैशाख १२ गते शनिवार गोरखाको वारपाकमा केन्द्रविन्दु बनाएर गएको ७.९ रिक्टरस्केलको विनाशकारी महाभूकम्प र आइतवार सिन्धुपाल्चोकमा केन्द्रविन्दु बनाएर गएको ६.७ रिक्टरस्केलको शक्तिशाली पराकम्पनले भूकम्पमा परी ज्यान गुमाउनेको संख्या सात हजार नौ सय १२ पुगेको

प्रहरी प्रधानकार्यालयले जनाएको छ । प्रहरी स्रोतले दिएको पछिल्लो जानकारी अनुसार १६ हजार ३७ जना घाइते भएका छन् ।

महाभूकम्पमा परी ज्यान गुमाउनेहरुमा उपत्यकामा १ एक हजार ७ सय १३, पूर्व क्षेत्रमा ५३, मध्य क्षेत्रमा ५ हजार ७ सय २८, पश्चिम क्षेत्रमा ४ सय १६ र मध्यपश्चिम क्षेत्रमा २ जना रहेको नेपाल प्रहरीले जनाएको छ। यसैगरी घाइते हुनेहरुमा उपत्यकामा ९ हजार २२, पूर्व क्षेत्रमा ३ सय २७, मध्य क्षेत्रमा ५ हजार ४ सय ७३, पश्चिम क्षेत्रमा १ हजार ४६ र मध्य पश्चिम क्षेत्रमा २२ जना रहेका छन्।

भुकम्पमा ज्यान गुमाउनेमा नेपाल प्रहरी ५, नेपाली सेना ९, सशस्त्र प्रहरी १, निजामती कर्मचारी ११ र बिदेशी पर्यटक ७० जना रहेको स्रोतले जनाएको छ । त्यस्तै नेपाल प्रहरी एक सय ४०, सशस्त्र प्रहरी २१ र बिदेशी पर्यटक ५० जना घाइते रहेको प्रहरीले जनाएको छ ।

अहिलेसम्म नेपाल प्रहरीका एक सहित दुई सय ५४ नेपाली नागरिक तथा एक सय ११ विदेशी नागरिक हराइरहेका छन् ।