पाकिस्तानमा हेलिकप्टर दुर्घटना हुँदा नर्वे र फिलिपिन्सका राजदूतको मृत्यु

वैशाख २५ – पाकिस्तानमा हेलिकप्टर दुर्घटना हुँदा कम्तिमा ६ जनाको ज्यान गएको छ । उत्तरी पाकिस्तानमा भएको हेलिकप्टर दुर्घटनामा नर्वे र फिलिपिन्सका राजदूतसँगै कम्तिमा ६ जनाको ज्यान गएको पाकिस्तानी सेनाले जनाएको छ ।

उत्तरी पाकिस्तानको नालटार क्षेत्रमा आकस्मिक अवतरण गर्ने क्रममा सैनिक हेलिकप्टर दुर्घटना भएको हो । कास्मिरको विवादित क्षेत्र गिलगित–बाल्टिस्तान अवलोकनका लाग गएका राजदूत चढेको हेलिकप्टर दुर्घटना भएको छ । हेलिकप्टर दुर्घटनाको कारण खुल्न सकेको छैन ।

– एजेन्सीको सहयोगमा